Google ADS

Asnjë dënim kundër keqpërdoruesve të Testit të Maturës

20:28 | 26 Qershor 2017
Arbresh.info

Ndonëse Ligji për Maturën Shtetërore specifikon dënimet për të gjithë ata që prishin procesin e testimit, deri tash nuk është ndërmarrë asnjë masë nga Komisioni i Maturës.
Por ndonëse ka përfunduar afati i parë i testit, asnjë dënim nuk është shqiptuar nga Ministria e Arsimit, dhe për këtë, institucionet që kanë vëzhguar këtë proces, kanë kritika të shumta, raporton KTV.

Sipas tyre, e gjithë Ministria e Arsimit duhet të japë llogari.

Ndërkaq, Mustafë Kadriu, nga Divizioni për Vlerësim e Monitorim në Ministrinë e Arsimit, thotë se meqë edhe afati i parë u shënua me disa parregullsi, në afatin e dytë të gjithë nxënësve do t’u ndalohet mbajtja e telefonit.

Edhe viteve të kaluara, Ministria e Arsimit nuk ka njoftuar se ka marrë ndonjë masë për rastet e identifikuara si shkelje gjatë procesit të testimit.

Maturantët e sivjetmë afatin e dytë të testimit do ta kenë në muajin gusht.

Shpërndaje në rrjete sociale

Lajmet më të lexuara

Të ngjashme

Foto lajm